Алматы әкімі Дархан Сатыбалды жұмыс сапарымен "Рахат-Мәдениет" шағынауданына барып, инженерлік желілерді дамыту жобасының жүзеге асырылуымен танысты. Жұмыстардың жалпы көлемі 131,72 шақырыс су және кәріз желілерінің құрылысына бағытталған.
Бүгінгі таңда 65,5 шақырым су желісі мен 55,4 шақырым кәріз желісі аяқталды. Жобаның жүзеге асырылуы шағынауданды орталықтандырылған сумен жабдықтау және кәріз жүйесімен 100 пайыз қамтамасыз етуге, 2 882 абонентті қосуға және 14 528 тұрғынды инженерлік қызметтермен қамтуға мүмкіндік береді. Жұмыс толық аяқталған аумақтарда жолдарды асфальттау басталды. Жол құрылысы жұмыстарының негізгі бөлігі келесі жылға жоспарланған.
Кездесу барысында тұрғындар емхананың алыстығы, Үлкен Алматы каналының (БАК) арнасын көріктендіру, сондай-ақ жаңа қоғамдық кеңістіктерді құру қажеттілігі жөніндегі мәселелерді көтерді. Қала әкімі тиісті басқармаларға әрбір мәселені жан-жақты пысықтап, шешу бойынша ұсыныстар енгізуді тапсырды. Дархан Сатыбалды қаланың барлық аудандарында тең әрі жайлы жағдай жасау — басты міндеттердің бірі екенін атап өтті.
