Жалпы, қоршаған ортаның ластануы қазір тұтас әлемді алаңдатып отыр.
БҰҰ өкілдері ауа құрамындағы зиянды бөлшектердің коронавирусқа қарағанда анағұрлым қауіпті екенін айтады, деп хабарлайды Almaty-akshamy.kz 24.kz-ке сілтеме жасап.
Бұл дерекке сенбеске амал жоқ. Себебі ұйым келтірген мәліметке сенсек, жұқпалы вирустан көз жұмғандарға қарағанда, лас су мен ауадан қайтыс болғандардың саны көп. Жалпы, нашар экология жыл сайын 9 миллион адамның өліміне себеп болады екен.
«Қолда бар мәлімет бойынша, коронавирустан гөрі ауаның ластануынан көп адам көз жұмады. Бірақ, соған қарамастан, экология мәселесіне жіті назар аударылмайды. Адамдар жылдар бойы ауасы да, суы да лас ортада өмір сүруге мәжбүр», - дейді БҰҰ өкілі Дэвид Бойд.