Бүгін, яғни 30 қараша сағат 7:00-ден 2 желтоқсан 06:00-ге дейін Бұхар жырау бульвары бойында ішінара жол жабылады, деп хабарлайды aqshamnews.kz
Бұхар жырау бульвары бойы мен Байзақов көшесі қиылысының оңтүстік бөлігінде, сондай-ақ Бұқар жырау бульвары бойында Байзақов көшесінен Есентай өзеніне дейінгі бөлігінде көлік қозғалысы шектеледі.
Аталған аумақта газ құбырын ауыстыру жұмыстары жүргізілуде. Жароков көшесінен Бұқар жырау бульвары бойымен Есентай өзеніне дейінгі орта қысымды жерасты газ құбыры 1972 жылы пайдалануға берілді.
Жалпы ұзындығы – 1766,9 м. Қолданыс кезінде оқшаулағыш жабынның зақымдануы, сондай-ақ құбырдың 4 коррозиялық зақымдануы анықталды. Жұмыс аяқталғаннан кейін іргелес аумақты абаттандыру және асфальт төсемін қалпына келтіру жұмыстары жүргізіледі.
«QazaqGaz Aimaq» АҚ Алматы өндірістік филиалы