Қала көшелерін тазарту - құрметке лайық еңбек. Күн сайын қала көшесінен 150 тоннаға жуық қоқыс жиналады. Бұл қажырлы еңбек 10 коммуналдық мекемеде жұмыс істейтін 1200-ден астам жұмысшыға жүктелген.
Біз таза әрі жайлы жерде тұру үшін олар көшені сыпырады, жуады, тазартады.
Күн сайын магистральдық және аудандық маңызы бар көшелер мен қоғамдық орындар тазаланады. Жұмысшылар аялдамаларды жуып, арыққа, қоқыс жәшігінің жанына, орындықтың қасына тасталған қоқыстарды жинайды.
Қарбалас қала тіршілігі мен асығыс кезде біздің жайлылығымыз үшін қызғылт сары жилет киіп, тер төгіп жүрген бұл жандарды байқай бермейміз. Енді алып шаһарды сол адамдардың көзімен көрейік.
