ФИФА президенті Джанни Инфантино Қатардағы әлем чемпионатының деңгейі туралы айтты, деп хабарлайды Almaty-akshamy.kz Baq.kz-ке сілтеме жасап.
«Мен бүкіл матчты көрдім. Бұл әлем чемпионатындағы ең үздік топтық кезең болды деп сеніммен айта аламын. Қазір мықты не әлсіз командалар жоқ. Бәрінің деңгейлері тең дәрежеде. Тарихта тұңғыш рет бүкіл құрлықтың құрамалары плей-офф кезеңіне шықты. Бұл футболдың жаһандық болып келе жатқанын көрсетеді», – деді Президент.
Айтуынша, стадиондардағы әрбір матч сапалы өтіп жатыр.
«Дегенмен, ол жерде болған көрермендер керемет. Стадиондар әр ойында лық толы болды. Орташа есеппен 51 000-нан астам адам қарады», - деп келтіреді сөзін TalkSPORT.