20 сәуірде Қазақстанның 5 қаласында қолайсыз метеорологиялық жағдай қалыптасады, деп хабарлайды Almaty-akshamy.kz «Қазгидромет» РМК-ге сілтеме жасап.
«Қазгидромет» болжамы бойынша, Қазақстанның 5 қаласында – Петропавл, Ақтөбе, Шымкент, Алматы және Астанада қолайсыз метеорологиялық жағдайлар қалыптасуы мүмкін.
Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Қолайсыз метеорологиялық жағдай кезінде елді мекендердегі атмосфералық ауаның сапасы нашарлауы ықтимал.