Синоптиктер жексенбі, 9 маусымда Алматыда зиянды қоспалар жоғары болатынын ескертті, деп хабарлайды аlmaty-akshamy.kz.
Қазгидромет мамандарының мәліметінше, Алматы тұрғындары мен қонақтарын қолайсыз метеорологиялық жағдайлар күтіп тұр.
Қолайсыз метеорологиялық жағдайлар – атмосфералық ауаның беткі қабатында ластаушы заттардың жиналуына ықпал ететін метеорологиялық факторлардың қысқа мерзімді ерекше жиынтығы.
Мұндай ауа райы кезінде:
- көшеде, әсіресе, тасжолдардың бойында жүруді азайту керек;
- балалар мен жүкті әйелдер ұзақ уақыт серуендемегені жөн;
- созылмалы өкпе, жүрек-қан тамырлары, аллергиямен ауыратын адамдар өздерімен бірге дәрі-дәрмегін алып жүруге тиіс;
- таза ауадағы физикалық белсенділікті шектеңіз;
- дене шынықтыру және спорттық іс-шараларды жабық спорт кешендерінде өткізу керек.