Жылдан-жылға аллергия беретін өнім түрлері көбейіп барады. Жапон ғалымдары осы дерттің симптомын төмендететін табиғи затты тапты, деп хабарлайды aqshamnews.kz
Иммун жүйесінің гиперсезімталдығынан туындайтын тағам аллергиясынан миллиондаған адам зардап шегеді. Аллергендер арасында сүт, жаңғақтар, жұмыртқа, теңіз өнімдері және басқа неше түрлі тағамдар бар.
Ғалымдардың айтуынша, аллергиямен күресте ішектегі жасушалар бөлетін RALDH2 ферменті мықты көмектеседі.
Токио университетінің профессор Тихару Нисияма бастаған бір топ ғалымы аталған ферменттің бөлінуін күшейтетін затты табу үшін 40 флавоноидты зерттепті. Зерттеу нәтижесі Allergy журналында жарияланды.
Ең тиімдісі кемпферол болып шықты, ол капуста, брокколи, шпинат, фасоль, көк шай, жидектер мен қызыл алмада көп екен. Кемпферол ішек жасушасында қажетті жасушыларды дамытып, иммунитеттің аллергенмен күресіне көмектеседі, қабынуға қарсы қасиеті де бар.
«Осы өнімдерді күн сайын тұтынсаңыз, аллергия қаупін азайтады, қабыну мен аутоиммунды аурулардың алдын алуға болады», – дейді профессор Тихару Нисияма.