Батыс Қазақстан облысының Бәйтерек ауданындағы Құшым ауылында тұрғын үй өртеніп, салдарынан екі адам қаза тапты, деп хабарлайды Aqshamnews.kz тілшісі.
БҚО ТЖД мәліметінше, өрт туралы хабар 2026 жылғы 7 қаңтарда сағат 20:11-де жедел қызметтерге түскен. Оқиға орнына құтқарушылар жеткен кезде тілсіз жау үйдің шатыры мен ішіндегі тұрмыстық заттарды шарпыған. Өрттің жалпы аумағы шамамен 50 шаршы метрді құрады.
Қайғылы жағдай бойынша, өрт сөндірушілер келмей тұрып полиция қызметкерлері үйден екі адамның мәйітін тауып, оларды жанып жатқан ғимараттан сыртқа шығарған.
Қазір өрттің шығу себептері анықталып жатыр. Оқиғаға байланысты өрт-техникалық сараптама тағайындалып, мамандар барлық мән-жайды тексеріп жатыр.