Алматы қаласы Бостандық ауданының бірқатар ғимараттарына жылу және ыстық су беру қайта қалпына келтірілді, деп хабарлайды almaty-akshamy.kz
Бостандық ауданының аумағындағы Гагарин — Ходжанов — Короленко — Розыбақиев көшелерінің контурында орналасқан тұрғын және өзге де ғимараттарға жылу және ыстық су беру қайта қалпына келтірілді.
Ходжанов көшесінде орын алған жарылыс кеше 18 қазанда ауыздықталған.
18-нен 19 қазанға қараған түні жоғарыда аталған көше контурында тұратын тұрғындарға тұрғын үйлерде температуралық режимді сақтау үшін жылумен жабдықтау қайта қалпына келтірілді. Жұмыс келесі күні сағат 9.30-дан бастап қайта қалпына келтіру жұмыстары басталып, сағат 15.00-ге дейін толық аяқталды. Жылу трассасы іске қосылды және берілген режимде жұмыс істеп тұр. Бұл диаметрі 800 мм құбыр 1976 жылдан бері жұмыс істеп келеді және өзінің пайдалану нормативтік мерзімі аяқталды.
Айта кету керек, яғни жыл сайын Алматылық жылу желілері өздерінің пайдалану нормативтік мерзімі – 25 жылдан асқан жылумен жабдықтау желілерін ауыстыру бойынша қайта құрылымдау жұмыстарын жүргізеді.
Алматы қаласы бойынша жылу желілерінің жалпы тозуы 59,2 % құрайды.
Жүргізіліп жатқан жұмыстар инженерлік желілердің тозу деңгейін төмендетуге, шығындарды азайтуға, апаттылықты азайтуға және қыс мезгілінде сенімді жылумен қамтамасыз етуге мүмкіндік береді.
Ағымдағы жылыту аралық маусымда «АлЖЖ» ЖШС шамамен 9,1 км жылу желілерін қайта құрылымдау жүргізді, бұл тозуды 0,6%-ға төмендетуге мүмкіндік береді.
Естеріңізге сала кетейік, қандай да бір штаттан тыс жағдай туындаған жағдайда (су, бу және т.б. шығарындылар) тәуелсіз әрекет жасамауға және келесі нөмірлерге қоңырау шалу арқылы орын алған жағдай туралы хабарлауға кеңес береміз:
+7 (727) 378-06-65 (тәулік бойы),
+7 (727) 341-07-77 (08:00-ден 18:00-ге дейін) немесе 109.
«Алматы жылу жүйесі» ЖШС