11 автокөлікті ұтысқа қойып, курс сатқан блогерлер Ерболат Жанабылов пен Эльмира Төлегеноваға қатысты қылмыстық іс қозғалды, - деп хабарлайды Aqshamnews.kz.
Бұл туралы Қаржылық мониторинг агенттігі төрағасының орынбасары Жеңіс Елемесов хабарлады.
– Ол материалдар бізге түсті. Қазір қылмыстық істі тіркедік. ҚР Қылмыстық кодексінің 214-бабы 1-бөлігі – заңсыз кәсіпкерлік фактісі бойынша қылмыстық іс тергеліп жатыр. Нәтижесін қосымша хабарлаймыз, – деді Ж.Елемесов Сенат кулуарында.
Агенттік өкілінің айтуынша, блогергеге қатысты әлі ешқандай бұлтартпау шарасы қолданылған жоқ.
Сонымен бірге, блогерлердің ел аумағында екені айтылды.