Биыл Қазақстанның дарынды балалары халықаралық олимпиадалардан 27 медаль алды

Биыл Қазақстанның дарынды балалары халықаралық олимпиадалардан 27 медаль алды Сурет: Inform.kz

Қаржылай сертификаттар табысталды


Биыл қазақстандық дарынды балалар халықаралық олимпиадалардан 27 медель жеңіп алды. Бұл туралы ҚР Оқу-ағарту министрі Асхат Аймағамбетов өзінің Telegram каналында жазды, деп хабарлайды Almaty-akshamy.kz.



«Халықаралық олимпиадалардың жүлдегер оқушыларын салтанатты түрде марапаттадық. Биыл дарынды балаларымыз 27 медаль жеңіп алып, өткен жылдардағы рекордтарын жаңартты. Биыл құттықтаудың өзі де балалар, олардың ата-аналары және мұғалімдер үшін ерекше қуанышты болды.
Президент Қасым-Жомарт Кемелұлы Тоқаевтың қолдауының арқасында 27 жеңімпазға 4,7 млн теңгеге дейінгі сертификаттар табыстадық.
Бұл Президенттің дарынды балаларды ынталандыру жұмыстарын жүргізу бойынша тапсырмасынан кейін мүмкін болды. Сондай-ақ оқушылар ҰБТ тапсырмай-ақ қазақстандық ЖОО-да оқуға гранттар алды», - деп жазды министр.



Сондай-ақ ол бұл бағыттағы жұмыстар әлі де жалғасын табатынын жеткізді. Биыл тізімге 7 халықаралық олимпиада кірсе, келесі жылы ол тағы 7 беделді халықаралық олимпиадамен толығады.



«Біз еліміздегі барлық деңгейдегі олимпиаданы өткізудің ашықтығына ерекше назар аударуды жалғастыра береміз. Сондай-ақ жүлделі орын алған оқушыларды дайындаған ұстаздар да біржолғы ақшалай төлем алады. Дарынды балалардың ата-аналарына да алғыс хаттар табыстадым.
Ел Президентінің және мемлекеттің тікелей қолдауы басқа да оқушыларымыздың олимпиадаға қызығушылығын арттыратынына сенімім мол», - деді Асхат Аймағамбетов.




Сіздің реакцияңыз?
Ұнайды
0
Ұнамайды
0
Күлкілі
0
Шектен шыққан
0
Соңғы жаңалықтар

12:20

12:17

10:44

09:39

19:04

19:02

18:58

17:45

17:28

17:11

17:07

16:50

16:32

16:10

15:52

15:33

15:24

15:01

14:40

14:36

14:28

14:13

13:53

13:07

12:51