Бұған жемқорлардан тәркіленген ақша жұмсалады.
Бұл туралы Оқу-ағарту министрі Ғани Бейсембаев айтты, деп хабарлайды Almaty-akshamy.kz
"Биыл жемқор шенеуніктердің ақшасына 70-тен астам мектеп салынады. Бұл үшін құжаттарымыз бар, тізім де бар. Жақын арада бұл тізімге қолдау көрсетіліп, осы мектептердің құрылысына қаржы бөлінетін болады. Қазақстанның барлық 20 аймағында жаңа мектептер салынады" - деді министр.
Сонымен қатар Ғани Бейсембаев жоба жаңа мектептер салуды да, бұрыннан барларын жөндеуді де қарастыратынын атап өтті.
Бүгінде Қаржы министрлігінің арнайы есепшотында жемқор шенеуніктерден тәркіленген 120 миллиард теңге бар.