Ішкі істер министрлігінің мәліметінше, полиция 74 sim-box құрылғысын және тіркелмеген 88 мыңнан астам sim-карта тәркіледі, деп хабарлайды aqshamnews.kz
Бұл деректерге қатысы бар 30 адам ұсталды. Оның ішінде 14-і – шетел азаматтары.
Интернет-кеңістікте заңға қайшы мазмұндағы 59 мың интернет-ресурс анықталып бұғатталды. Жыл басынан бері 870 адам интернет-алаяқтық үшін қылмыстық жауапкершілікке тартылды.
Антифрод-орталығы арқылы азаматтардан ұрланбақ болған 2,6 млрд теңгеден астам қаражаттың шығарылуына жол берілмеді. Полиция байланыс операторларымен бірлесіп 66,9 млн жалған қоңырауды бұғаттады.