2025 жылдың 20 қаңтарында биткоин құны 109 114 долларды құрады, деп хабарлайды Aqshamnews.kz
Дональд Трамптың инаугурациясына дейін биткоиннің бағасы 3,63%-ға өсіп, 109 мың доллардан асып, 2024 жылдың 17 желтоқсанындағы ең жоғары көрсеткішті жаңартты. Алайда біраз уақыттан кейін криптовалютаның құны төмендеп, шамамен 108 мың доллар деңгейінде тұрақтады.
Биткоиннің қарқынды өсуі 2024 жылдың 5 қарашасында, АҚШ-тағы президенттік сайлау күні басталды. Ол кезде криптовалюта бағасы 75 мың доллар болған. Бірнеше апта ішінде биткоин 100 мың доллар межесінен өтіп, инвесторлар арасында үлкен қызығушылық тудырды. Содан бері биткоин бағасының өсуі жалғасуда.
Сарапшылардың айтуынша, биткоин бағасының өсуіне жаһандық саяси және экономикалық факторлар, сонымен қатар криптовалютаға деген сұраныстың артуы әсер еткен.