Әлеуметтік желілерде экс-шенеуніктің түрмеден қашқаны туралы ақпарат желдей есіп, тіпті бұрыннан бері бостандықта екені немесе шетелде жүргені туралы болжамдар пайда бола бастады.
Алайда ҚАЖК сотталушының қашып кеткені туралы ақпаратты жоққа шығарды, деп хабарлайды aqshamnews.kz
Orda.kz-тің жазуынша, құқық қорғаушы Бауыржан Мусин Қуандық Бишімбаевтың Аршалы түрмесінде бір күн де болмағанын айтқан.
Экс-министрдің «жұмбақ жоғалуы» туралы AIRAN ақпараттық ресурсының журналистері хабарлады. Олардың мәліметінше, соттан кейін Бишімбаев Аршалы ауылына жақын колонияға жіберілуі керек болған. Телеарнаның түсірілім тобы жақында сотталушының расымен сол жерде бар-жоғын тексеруге барып оны таба алмаған.
«Бұл сотталушы максималды қауіпсіздік мекемесінде жазасын өтеп жатыр. Жалған ақпарат тарату фактісі бойынша қылмыстық іс қозғалғанын және кінәлілер жауапкершілікке тартылатынын хабарлаймыз»,-деп мәлімдеді ҚАЖК.
«Ол Степногорск қаласының №5 мекемесінде, төртінші отрядта отыр. Біздің елімізде жазаны өтеу орнын мекеменің толымдылық деңгейіне қарай таңдайды. Адамның қай жерде отыратыны тек оның туыстарына ғана айтылады, ҚАЖК бұл туралы қоғамға хабарлауға міндетті емес»,-деді Бауыржан Мусин.
Кейбір дереккөздер жалған ақпарат тарату фактісі бойынша қылмыстық іс қозғалғанын хабарлайды, бірақ ресми дереккөздер бұл ақпаратты әзірге растаған жоқ.