Елімізде бірыңғай банктік QR-ды енгізу 2025 жылдың екінші жартысына жоспарланып отыр, деп хабарлайды aqshamnews.kz.
Ұлттық төлем корпорациясының хабарлауынша, бұл жаңа сервисті енгізу үшін банктерге өздерінің ақпараттық жүйелерін қайта ыңғайлап, жетілдіре түсуге тура келеді. Бұл үдеріс біршама уақыт пен күш-жігерді қажет етпек.
Бірыңғай QR-дың ерекшелігі – оны кез келген банктің мобилді қосымшасымен оқи беруге болады. Нәтижесінде сатушы «қай банктің POS-терминалын орнатсам екен» деп бас қатырмайды.
Былтыр қарашада Ұлттық банк пен Ұлттық төлем корпорациясы банк аралық QR-төлемдерді енгізу бойынша қанатқақты жобаны іске қосқан болатын.
Бірінші кезеңде оған Freedom Bank пен Bank RBK қосылды. Жақын арада бірыңғай QR-ға 7 банк қосылуға дайын деп хабарлайды LS. Олар қазірдің өзінде тиісті келісімшарт жасасып, ішкі жүйелерін тестілеуден өткізіп жатыр.