Түлкібас-Арыс учаскесінде бірнеше вагон рельстен шығып кеткені белгілі болды. "Жолаушылар тасымалы" АҚ баспасөз қызметі аталған учаскедегі жағдай туралы пікір білдірді, - деп хабарлайды аlmaty-akshamy.kz.
25 маусымда сағат 19:20-да Түлкібас-Арыс учаскесінде Меңлібай-Көктерек учаскесінде жүк пойызы вагондары рельстен шығып кетті. Құрбандар мен зардап шеккендер жоқ. Оқиғаның видеосы әлеуметтік желіде тарады.
"Жолаушылар тасымалы" АҚ баспасөз қызметі Түлкібас-Арыс учаскесінде пойыз қозғалысы қалпына келгенін хабарлады.
"Жүк вагондары рельстен шығып кеткен Түлкібас – Арыс учаскесінде пойыздардың қозғалысы ашық. Кешіккен пойыздардың жолаушылары тамақ және ауыз сумен қамтамасыз етілді. 5 автобус ұйымдастырылып, 492 жолаушы шығарылды. Салдарды жоюға үш қалпына келтіру пойызы мен 100-ден астам теміржолшы жұмылдырылды. Компания жолаушылардан қолайсыздықтар үшін кешірім сұрайды және пойыздардың кешігу уақытын қысқарту үшін қолдан келгеннің бәрін жасайды", – деді баспасөз қызметі.