Бұл туралы Асхат Аймағамбетов өзінің әлеуметтік желідегі парақшасында жариялаған.
ҚР Білім және ғылым министрі Асхат Аймағамбетов қасиетті Рамазан айында педагогтарға ауызашар берді, деп хабарлайды Almaty-akshamy.kz
Министр дастархан басында елордалық әріптестерімен білім саласындағы мәселелер туралы да сөйлескендігін айтты.
«Қасиетті Рамазан айында елордалық мектептерде жұмыс істейтін мұғалімдерді ауызашарға шақырдым.
Осы мүмкіндікті пайдаланып, әріптестерімізбен білім саласындағы мәселелер төңірегінде де әңгіме өрбіттік.
Ұстаздармен әңгімелесіп, жылы ауызашар болғанына, білім саласындағы тақырыптар жайында әңгімелесіп, пікірлері мен ұсыныстарын тыңдағаныма өте қуаныштымын.
Уақыт бөліп келген әріптестеріме алғысымды білдіремін», – деп жазды министр.