Құрылтай сайлауы - елдегі саяси мәдениеттің өсіп, парламенттік жүйенің дамуындағы маңызды қадамдардың бірі, деп хабарлайды aqshamnews.kz тілшісі.
М.Әуезов атындағы Әдебиет және өнер институтының директоры Кенжехан Матыжанов Алматыдағы №387 сайлау учаскесіне отбасымен бірге келіп, Құрылтай сайлауында дауыс берді.
Ол бүгінгі сайлау – елдің саяси жүйесі үшін маңызды кезең екенін атап өтті.
«Бүгін тәуелсіз Қазақстанның парламенттік жүйесінде жаңа кезеңге аяқ басып тұрмыз. Екі палаталы Парламенттен бір палаталы жүйеге ауысып, жаңа Құрылтай құрылып отыр. Сондықтан дауыс беру – еліміздің ертеңі үшін дауыс берумен тең», – деді Кенжехан Матыжанов.
Қаламгердің айтуынша, Құрылтай сайлауы - елдегі саяси мәдениеттің өсіп, парламенттік жүйенің дамуындағы маңызды қадамдардың бірі.
«Бұл таңдауымды Отанымның жарқын болашағы мен кемел келешегі үшін жасап отырмын. Тәуелсіз Қазақстанымыздың тұғыры әрдайым берік болсын!», – деді ол.