Қазақстандық танымал кәсіпкер, ERG акционері және «Еуразиялық банк» директорлар кеңесінің төрағасы Александр Машкевич 71 жасында өмірден озды. Ол өз өмірін ірі бизнес жобаларына арнап, көптеген салаларда маңызды жетістіктерге жеткен, деп хабарлайды aqshamnews.kz
Александр Машкевич Қазақстан экономикасында ерекше орны бар тұлға ретінде танымал. Ол ERG (Еуразиялық Топ) компаниясының акционері бола отырып, металлургия және тау-кен салаларында орасан зор үлес қосып, елдің экономикалық дамуына маңызды ықпал еткен. Сонымен қатар, «Еуразиялық банк» директорлар кеңесінің төрағасы ретінде қаржы секторында да үлкен беделге ие болды.
Машкевич Қазақстанның ең жоғары мемлекеттік марапаттары – «Барыс» I және III дәрежелі ордендерімен, сондай-ақ «Құрмет» орденімен марапатталған. Бұл марапаттар оның ел экономикасына қосқан елеулі үлесін және қоғамдағы жоғары беделін айғақтайды.
Александр Машкевичтің қайтыс болуы Қазақстан үшін зор жоғалту болып табылады. Оның іскерлік әлемдегі жетістіктері мен еліміз үшін жасаған игілікті істері ұзақ уақыт бойы естен кетпей, ұрпақтарға үлгі болып қала береді.