Медеу ауданында тұрақты электрмен жабдықтауды қамтамасыз ету үшін «Дружба Спорт» бау-бақша серіктестігінің ұзындығы 5 шақырым электр желілерін реконструкциялау және 3 трансформаторлық подстанцияны орнату жұмыстары жүргізілуде, деді қала әкімі Ерболат Досаев аудан тұрғындарымен кездесуде.
Бүгінгі таңда 93 тіректі орнату (100%) жұмыстары аяқталды. 2 шақырым жерасты кабелін және 1,2 шақырым әуе желісін орнату жұмыстары жалғасуда. Құрылыс-монтаждау жұмыстарын аяқтау мерзімі - осы жылдың қараша айы.
Сондай-ақ, Горная, Шыбынсай көшелерінің, Мұзтау, Кеңсай (1,2,3,4) шағын аудандарының және бау-бақша серіктестіктерінің тұрғындары үздіксіз электрмен қамтамасыз ету үшін ұзындығы 33,8 шақырым иесіз электр желілерін реконструкциялау және 11 трансформаторлық подстанцияны салу жұмыстары аяқталды.
«Асқартау» шағын ауданында электр желілерін салу үшін жобалау-сметалық құжаттама дайындалуда. Жобалау-сметалық құжаттаманың аяқталу мерзімі – осы жылдың қазан айы.