Қазақстан таеквондошысы Батырхан Төлеуғали Париж Олимпиадасында ширек финалға өте алмады.
80 келіге дейінгі салмақта өнер көрсеткен Батырхан 1/8 айналымда екі дүркін әлем чемпионы, италиялық Симоне Алессиомен кездесті. Жекпе-жек тартысты өтіп, тәжірибелі италиялық спортшы 2:0 есебімен жеңіске жетті.
Айта кетейік, 18 жастағы Батырхан Төлеуғали Қазақстан атынан Олимпиадаға қатысып жатқан ең жас атлет болып табылады және бұл оның алғашқы Олимпиадасы.