«Алматы қаласы музейлер бірлестігі» қала күніне орай «Мен Алматы тарихын білемін» атты байқау өткізіп жатыр. Байқауға Алматы қаласының жалпы білім беру мектептерінің, лицей және гимназияларының жоғары сынып (9-11 сынып) оқушылары қатыса алады.
Байқау екі кезеңнен тұрады: бірінші кезең: байқауға қатысушылар Алматы қаласының тарихы туралы очерк (эссе) жазады. Жазылған очерктер (эсселер) 2-12 қыркүйек аралығында байқаудың (museumalmaty@mail.ru) электронды поштасына қабылданады. Жұмысты ғалым, тарихшы, археолог және мәдениет қайраткерлерінен құрылған комиссия бағалайды.
Екінші кезең: Ең үздік 30 жұмыстың иегерлері 14 қыркүйекте Алматы қаласы тарихының негізгі мәселелері, оқиғалары мен ерекшеліктерін анықтайтын тест тапсырады. Ұпай саны тең түскен жағдайда, жеңімпаз сұхбаттасу арқылы анықталады (форматы: сұрақ-жауап).
Жеңімпаздар мен жүлдегерлерге құнды сыйлықтар табысталады:
бірінші орын – Iphone 14 Pro;
екінші орын – Apple iPad Air 2022;
үшінші орын – Apple AirPods Pro 2nd generation.
Толық ақпаратты мына нөмірлер арқылы ала аласыздар:
272-43-21, 267-59-05
8 700 653 98 82
