Қасым-Жомарт Кемелұлы өте дұрыс шешім қабылдады. Бұл сайлаудан кейін жоба-жоспарларын жүзеге асырса, шынымен де Қазақстанның жаңа кезеңіне қадам басамыз деп ойлаймын. Қазақ деген ел алтын қазық бола алмасақ, ұлттық мүддені, ұлттық идеологияны алға шығармасақ, Қазақстан мемлекеті кімге керек? Жаһандану кезінде, өркениеттің заманында, бәрі бәсекеге, жарысқа түскен заманда әр мемлекет өз тұғырын тіктеп, туын желбіретіп ұстап тұра алу үшін де үлкен күш керек, бірлік керек, ынтымақ керек. Сондықтан бес саусақтай бүгіліп, жұдырықтай жұмылып, сол бірлік пен ынтымаққа жұмыс істеуіміз керек.
Бақыт БЕДЕЛХАН, ақын, ҚР Жазушылар одағы басқармасы төрағасының орынбасары: Жаңа кезеңге қадам жасаймыз
