Балалар колониясында да соңғы қоңырау соғылды
Алматы қаласының Қылмыстық-атқару жүйесі департаментіне қарасты №11 мекемеде орналасқан №3 жалпы білім беретін орта мектепті биылғы 2024-2025 оқу жылын 66 оқушы аяқтады. Оның ішінде 41-і – қазақ бөлімінде, 25-і орыс бөлімінде оқыды.
Түзеу мекемесінде жазасын өтеп жатқан балалар алдағы уақытта қазақ тілі мен әдебиеті пәндері бойынша, білім алушылардың бағдарлама мазмұнын меңгеруін бағалау ретінде, аралық аттестаттауға қатысады. 8, 10-сынып оқушылары сыныптан сыныпқа көшу емтихандарын, 9, 11-сыныптар мемлекеттік емтихандар тапсырады.
Колония ішінде өткен «Сыңғырла, соңғы қоңырау!» атты мерекелік іс-шарада балалар өздеріне білім берген ұстаздарына деген алғысын ән-жырмен жеткізді.
