Алматы қаласы Қылмыстық-атқару жүйесі департаментіне қарасты №11 мекемесінде кәмлетке толмаған жазасын өтеуші сотталғандар арасында Жаңа жылдық мерекелік іс-шара өтті.
Көңілді кеш ҚР Премьер-Министрінің өкімімен бекітілген қылмыстық-атқару (пенитенциарлық) мекемелеріндегі жағдайды сауықтырудын жол картасын іске асыру аясында өтті.
Мекеме бастығы әділет полковнигі Алмат Сүлейменов барлық әріптесін және тәрбиеленушілерді келе жатқан жаңа жылмен құттықтап, жаңа табыстар тіледі.
Концерттік бағдарламаның көрігін «Алматы әуендері» артистерінің сахналық қызықты қойылымдары, жасөспірімдер қатыстырылған ойындар қыздырды. Флешмоб би де балаларды бір сергітіп алды.
— Ең бастысы, бас бостандығы шектеліп, қатаң бақылауда отырған жастарға жақсы көңіл күй сыйладық. Бір-бірімізге тілектерімізді арнап, достық ниетімізді білдірдік. Жеткіншектерге тәттілер ұсынған Жетісу ауданы әкімдігінің өкілідеріне де алғыс айтамыз, — деді мекемедегі тәрбие жұмысы бөлімінің бастығы әділет подполковнигі Алма Бәзілбаева.