Академик Төрегелді Шармановтың өмірден өткені туралы хабарды зор күйзеліспен қабылдадым.
Көрнекті ғалым, Қазақ тағамтану академиясының президенті, Қазақстанның Еңбек Ері Төрегелді Шармановтың есімі еліміздің тарихындағы отаншылдық пен жаңашылдықтың символына айналды.
Төрегелді Шарманов адам денсаулығы адамзаттың басты құндылығы ретінде танылған Алматы конференциясының ұйымдастырушысы ретінде бүкіл әлемге танымал. Оның қажырлы қызметі арқылы Алматыда «Дүниежүзілік сақтаудың ұлы хартиясы» қабылданды.
Ол тек Қазақстанның ғана емес, ТМД елдері медицинасының дамуына зор үлес қосқан көрнекті тұлға болды. Төрегелді Шарманұлы ғұмырын ұлт денсаулығына арнап, кейінгі ұрпаққа мол мұра қалдырғаны сөзсіз.
Төрегелді Шарманұлының отбасы мен жақындарына қайғыра көңіл айтамын.