Қазақстан Республикасының еңбек сіңірген спорт шебері №80 бөбекжай-балабақшада орналасқан сайлау учаскесіне келіп, дауыс беруге қатысты, – деп хабарлайды aqshamnews.kz тілшісі.
Сағат 10:00-де Бостандық ауданындағы сайлау учаскесінің бірінде XXXIII жазғы Олимпиада ойындарының күміс жүлдегері, спорттық гимнастикадан Азияның үш дүркін чемпионы Нариман Құрбанов дауыс берді.
Қазақстанның намысын халықаралық аренада бірнеше мәрте қорғаған спортшы үшін елдің қоғамдық өміріне араласу – оның болашағына үлес қосудың тағы бір мүмкіндігі.
«Мен үшін ел өміріне спортшы ретінде ғана емес, азамат ретінде де белсене қатысу маңызды. Бүгін сайлау учаскесіне келіп, таңдау жасадым. Елдің болашағы әрқайсымыз қабылдайтын осындай шешімнен қалыптасатынына сенемін», – деді Нариман Құрбанов.