Грек - рим күресінен Қазақстан спортшысы финалға шықты.
Енді ол Қытайдың Ханчжоу қаласында өтіп жатқан ХІХ жазғы Азия ойындарында алтын медаль үшін күреседі, деп хабарлайды Almaty-akshamy.kz.
Грек-рим күресінен Таиланд балуаны Нуттапонг Хинмиді 10:0 есебімен ойсырата ұтқан 67 келі салмақ дәрежесіндегі Мейіржан Шармаханбет жартылай финалда ирандық балуан Даниал Сейед Сохрабиді жеңді.
Алтын медаль үшін Қазақстан спортшысы Мейіржан Шармаханбет жапондық Катсуаки Эндомен бозкілемде бүгін белдеседі.
Қорытынды жекпе-жек сағат 15.00-де басталады.