Сайлау учаскелері ашылған сәттен бастап Алматы қаласының су құбыры және кәріз жүйесі кешенінің ұжымы жоғары азаматтық белсенділік танытып келеді, – деп хабарлайды aqshamnews.kz тілшісі.
Кәсіпорын қызметкерлерінің көбі үшін сайлауға қатысу отбасылық игі дәстүрге айналған. Олар дауыс беруге балаларымен, аға буын өкілдерімен бірге отбасымен келіп жатыр.
Сайлау комиссиялары жұмысын бастаған алғашқы сағаттардан-ақ белсенділік жоғары болды. Таңғы сағат 10:00-дегі жағдай бойынша кәсіпорын қызметкерлерінің 50%-дан астамы дауыс беріп үлгерді.
Ірі коммуналдық кәсіпорын жұмысының ерекшелігі қаланың тіршілігін қамтамасыз ететін жүйелерді тәулік бойы үздіксіз бақылауды талап етеді. Мегаполисте ауызсу беру мен су бұру жұмысы бір сәтке де тоқтамайды. Сондықтан қызметкерлердің сайлауға қатысуы алдын ала нақты жоспарланды. Кезекшілікте жүрген мамандар қалалық желілерге қызмет көрсетуге кедергі келтірмей, жоспарлы жұмыс сапары арасындағы үзілісте жұмыс бригадаларымен бірге сайлау учаскелеріне барып, дауыс беріп жатыр.
Алматыны таза сумен қамтамасыз ету және инфрақұрылымның сенімді жұмысын сақтау – біздің күнделікті еңбегіміз. «Алматы су» ұжымы сайлауға қатысуды қала тұрғындарының жайлы өміріне, мегаполистің дамуына және тұтас елдің болашағына деген жауапкершіліктің заңды жалғасы деп біледі.