2024 жылдың 4 қыркүйегінде ҚР Мемлекеттік қызмет істері агенттігінің Алматы қаласы бойынша департаментінің бастамасымен, Алматы қаласының санитариялық-эпидемиологиялық бақылау департаменті басшысының бұйрығымен бекітілген кестеге сәйкес, Алмалы ауданының санитариялық-эпидемиологиялық бақылау басқармасында азаматтарға мемлекеттік қызметтерді алу мәселесінде көмек көрсету мақсатында «Qoldau» акциясы ұйымдастырылды, деп хабарлайды
Акцияның негізгі мақсаты – азаматтар мен кәсіпкерлерге халықтың санитариялық-эпидемиологиялық саламаттылығы саласындағы мемлекеттік қызметтерді алуда қолдау көрсету және кеңес беру. Іс-шара барысында қатысушыларға сол жерде электронды өтініш беру мүмкіндігі ұсынылды.
Акцияға Алматы қаласының санитариялық-эпидемиологиялық бақылау департаментінің, Алмалы ауданының санитариялық-эпидемиологиялық бақылау басқармасының басшылық құрамының өкілдері және мемлекеттік қызметтерді жүзеге асыратын қызметкерлер қатысты. Сонымен қатар, шараға ҚР Мемлекеттік қызмет істері агенттігінің Алматы қаласы бойынша департаментінің қызметкерлері Назым Қайратқызы Аринова және Азамат Ермекович Мейрамов та атсалысты.
Алдағы уақытта осындай іс-шаралар бекітілген кестеге сәйкес барлық аудандық басқармалар мен Департаментте өткізілетін болады. Бұл туралы алдын ала Департаменттің интернет-ресурсы мен «Instagram», «Facebook» әлеуметтік желілеріндегі ресми парақшаларында хабарланатын болады.