Басынан дау арылмаған Азамат Сатыбалды Шәкен Айманов атындағы "Қазақфильм" АҚ президенті қызметінен босатылды.
Актердің өзі Қазақфильм” киностудиясымен келісімшартты ұзартқысы келмегенін айтқан, деп хабарлайды aqshamnews.kz
Ол киностудияның басшылығына 2023 жылдың шілде айында келген еді. Осы бір жылдың ішінде "Қазақфильмнің" басынан қиқу кетпеді. Парламентте кино саласындағы бюджеттің тиімсіз игерілуі сыналған еді. 2016-2022 жылдары Қазақфильмге кино шығаруға және прокаттауға 14,5 млрд теңге бөлінгенімен, оның 4,8 пайызы ғана ақталған.
Бұған қоса осыдан бірнеше күн бұрын "Алтын адам" туындысының аниматорлары жеті айдан бері жалақы алмағанын айтып, Қазақфильм ғимаратының алдында наразылыққа шыққан болатын. Кейіннен Қазақфильм аниматорлардың қордаланған айлығын төлеп беретінін мәлімдеді.
Еңбек жолын театрдан бастап кино саласында да сұранысқа ие болған актер қазір халықаралық киножобаларға қатысу үшін Қытайда жүр.