Еркін күрестен ел қоржынына алғашқы алтын медаль түсті
Қазақстандық еркін күрес балуаны Азамат Дәулетбеков Моңғолияда өтіп жатқан Азия чемпионатында топ жарды, деп хабарлайды Almaty-akshamy.kz Olympic.kz-ке сілтеме жасап.
86 келіге дейінгі салмақ дәрежесінде сынға түскен ол финалда Үндістан командасының өкілі, 2019 жылғы әлем чемпионатының күміс жүлдегері Дипак Пунияны 6:1 есебімен ұтты.
Бұл - биылғы құрлықтық додада еркін күрестен ел қоржынындағы алғашқы алтын медаль.
Еске сала кетсек, кеше Рахат Қалжан күміс, ал Талғат Сырбаз бен Мамед Ибрагимов қола жүлделерге қол жеткізген болатын.