Қазақстанда ауылдық денсаулық сақтау саласын жақсарту бағытында ауқымды жұмыстар атқарылуда. Жылжымалы медициналық кешендер мен "Саламатты Қазақстан" пойызы арқылы шалғай ауыл тұрғындары сапалы медициналық көмекке қол жеткізуде. Жаңа нысандар құрылысы, телемедицина және жоғары технологиялық жобалар ауылдық медицинаны жаңа деңгейге көтеріп, қала мен ауыл арасындағы теңдікті қамтамасыз етеді.
-
Жылжымалы медициналық кешендер (ЖМК):
- 2024 жылы 1,2 миллион тұрғын медициналық кеңес және диагностика алды.
- Бейінді мамандар 1,2 миллион консультация өткізді.
- 656 мың диагностикалық, 333 мың зертханалық зерттеу жүргізілді.
- 95 мың ауру анықталды (78,3%-ы ересектер, 21,7%-ы балалар).
- 33,7 мың адам диспансерлік бақылауға алынды.
-
"Саламатты Қазақстан" медициналық пойызы:
- 128 станцияда қызмет көрсетті.
- 104 мың адам (оның ішінде 21 мың бала) медициналық көмек алды.
- Барлығы 240 мың медициналық қызмет көрсетілді.
- 12,5 мың стоматологиялық ем-шара, 25 мың зертханалық зерттеу жүргізілді.
- 8 мың шағын хирургиялық операция және 24 мың аспаптық зерттеу орындалды.
-
Медициналық инфрақұрылым:
- 2024 жылы 460 жаңа нысанның құрылысы аяқталды.
- 2025 жылы тағы 195 нысанның құрылысы аяқталады.
- 2025 жылы 32 аудандық аурухана жаңғыртылады.
- Кардиология, травматология, реанимация және хирургия бөлімшелері ашылады.
-
Кадрлар мен жаңа жобалар:
- 2024 жылы 4148 түлек аймақтарға жіберілді.
- 1233 дәрігер ауылдық жерлерде жұмысқа орналасты.
- "Феталдық медицина" жобасы аясында 20 жатырішілік операция жүргізілді.
Бұл деректер ауылдық жерлерде медициналық көмектің сапасын жақсарту бойынша атқарылып жатқан шаралардың нақты нәтижелерін көрсетеді.