Ауғанстанның шығысындағы Кунар провинциясында магнитудасы 6-ға жететін жер сілкінісі болды, деп хабарлайды aqshamnews.kz.
Алдын ала мәліметтер бойынша 250-ден астам адам көз жұмды, деп хабарлайды Анадолы.
Бұл туралы Ауғанстан Ақпарат министрлігінің өкілі хабарлаған.
Оның сөзінше, ең көп зардап Кунар провинциясының аудандарында тіркелген, жолдар топан су мен жер қабаты сырғуы салдарынан жабылған, іздеу-құтқару жұмыстары тікұшақтардың көмегімен жүргізіліп жатыр. Зардап шеккендердің саны 500-ден астам, ал қаза тапқандар санының көбеюі мүмкін.
Ауғанстан уақытша үкіметінің баспасөз хатшысы Забихулла Муджахид АҚШ компаниясы X әлеуметтік желісінде жер сілкінісі адам шығынына алып келгенін растады.
Ол жергілікті билік пен тұрғындардың құтқару операцияларына қатысып жатқанын, орталық үкімет пен көршілес провинциялардан командалар апат аймағына жіберіліп жатқанын атап өтті.
Жергілікті шенеуніктер бұл елде болған ең күшті жер сілкіністердің бірі екенін атап өтті. Сонымен қатар, өңірде магнитудасы 5,2-ге жететін кем дегенде екі қайталама дүмпу тіркелген.
АҚШ Геологиялық қызметінің (USGS) дерегінше, жер сілкінісінің эпицентрі Джелалабадтан солтүстік-шығысқа қарай 27 шақырым жерде, 8 шақырым тереңдікте орналасқан, Пәкістанмен шекараға жақын.