Жас спортшылар алаңға шығып, жеңіс үшін бақ сынап, шеберлігін көрсетті, деп хабарлайды aqshamnews.kz тілшісі.
Құрылтай депутаттарының сайлауы күні Әуезов ауданында жас тұрғындарға арналған спорт мерекесі ұйымдастырылды. №175 және №149 сайлау учаскелерінде «Спорт – достық алаңы» акциясы аясында аудан әкімінің кубогы үшін футбол турнирі өтті.
Ересектер дауыс беріп жатқанда, балалар көркейтілген алаңдарда уақытын тиімді әрі қызықты өткізіп жатыр.
Жас спортшылар алаңға шығып, жеңіс үшін бақ сынап, шеберлігін көрсетті және командаластарына қолдау білдірді. Тартысты өткен ойындар балалардың басын қосып, командалық рух пен спортқа деген сүйіспеншілікті арттыра түсті.