Атырау әкімінің орынбасары Марат Мурзиев каратэден әлем чемпионы атанды, – деп хабарлайды aqshamnews.kz тілшісі.
Атырау облысы әкімінің орынбасары Марат Мурзиев Стамбулда өткен WSF ұйымының 16-шы әлем чемпионатында шотокан каратэден алтын медаль жеңіп алды.
45–54 жас санатында (Shobu Ippon Kumite Open) өнер көрсеткен спортшы жарысты бірде-бір жеңіліссіз аяқтады. Ол алғашқы айналымда Англия өкілі Майк Линчті 2:0 есебімен жеңіп, кейін де қарсыластарынан басым түсті. Жартылай финалда Кот-д’Ивуар спортшысын 2:0 есебімен ұтып, финалда да жеңісті жұлып алды.
Чемпионатқа Түркия, Ұлыбритания, Әзербайжан және Африка елдерінің мықты спортшылары қатысты.