Энергетика министрлігі мен эксперттік қауымдастықтың мәліметтеріне сүйенсек, қазіргі заманғы атом электр станцияларында апат болу ықтималдығы 10-ның минус 7 дәрежесінде, яғни жылына 10 миллион жылда бір рет апат болуы мүмкін. Бұл көрсеткіш — өте төмен ықтималдық, яғни заманауи реакторлардың қауіпсіздігі жоғары деңгейде қамтамасыз етілген.
Тарихтағы атом энергетикасына қатысты барлық инциденттер ескеріліп, қазіргі реакторлардың жобаларына сәйкес өзгерістер енгізілген. Сондықтан заманауи АЭС-тер қауіпсіздік тұрғысынан барынша сенімді.
Бүгінде әлемнің 31 елінде 400-ден астам атом реакторы жұмыс істеп тұр. Бұл елдер қатарында АҚШ, Франция сияқты алпауыт елдер бар, олар атом энергетикасын белсенді түрде пайдаланып келеді. Көршілес Қытайда 56 реактор жұмыс істесе, тағы 27 реактордың құрылысы жүргізілуде. Бұл атом энергетикасының әлемде кеңінен қолдау табатынын көрсетеді.
Атом энергетикасы еліміз үшін тұрақты және сенімді энергия көзі болып табылады. Оның қауіпсіздігі мен тиімділігі әлемдік тәжірибеде дәлелденген. Бейбіт атом арқылы біз энергетикалық тәуелсіздікке қол жеткізіп, еліміздің тұрақты дамуын қамтамасыз ете аламыз.