Атом электр станциясы салынса, елімізде ядролық физика ғылымы дамиды.
Себебі отандық оқу орындарында жаңа факультет ашылып, салалық мамандар дайындалады. Бұл туралы Талдықорғандағы Ілияс Жансүгіров атындағы Жетісу университетінде өткен жиында айтылды, деп хабарлайды aqshamnews.kz.
Басқосуда облыстық мәслихат хатшысы, партия өкілдері, ғалымдар мен студенттер өзара сұхбат құрды. Кездесуде жобаның экономикалық тиімділігі туралы ғалымдар дәлелді дәйек келтірді.
Айтпай Рахымбеков, физика-математика ғылымдарының кандидаты, профессор: - Бір кг уран 100 тонна көмірді жаққандағы энергияға тең немесе 60 тонна мазутты мұнайды жаққан кездегі энергия эквивалентіне тепе-тең. Сондықтан да атом электр станциясы өзінің қуатттылығын көрсете алады және ұзақ уақыт адамдардың қажетіне, тұрмысына қызмет ететіне сәйкес бола алады.