Алматыда «Асылтас» атты жаңа театр құрылды. Театр ұжымы 27 желтоқсанда «Арена» атты алғашқы туындысын қоймақ, деп хабарлайды аlmaty-akshamy.kz. Театр құрамында Дулыға Ақмолда, Жандарбек Садырбаев, Жанаргүл Жаныаманова сияқты танымал әртістер бар. «Аренаның» режиссері Елік Нұрсұлтанұлы, авторы Бақыт Беделхан.
Арена- тартысқа толы тағдырлардың, қайшыласқан тірлік пен арпалысқан өмірдің шырмалып жатқан алаңы!
Шырмауға түскен шындықтың шынайы келбетін кім ашады? Арбау мен алдауға түскен ақиқатты шарасыздықтан кім алып шығады? Өтірік пен көзбояушылықтың торына түскен тобырлық, құлдық сананы кім оятады?
Әділеттілік пен адалдықты, ар мен намысты қорғайтын рух болмаса?!
Ұлтты ояту үшін, рухты ояту керек.
Осы жолда Абадан мен Аққұртқа аренаны жаңаша жаңғырған рухы мен әділдік туының тұғырына айналады.
Цирктің аренасы мен әлемдік аренаның арасын арқау еткен бұл қойылым – Ақиқат айнасы!
Айнадан түріңді көрме, діліңді көр!
Рухын сағынған үніңді есті!
Иә, біздің «Аренадан…»