Астана қалалық Денсаулық сақтау басқармасы «Көркем-3» тұрғын үй кешенінде болған өрттен зардап шеккен әйелдің қазіргі жағдайына қатысты мәлімет берді, – деп хабарлайды aqshamnews.kz тілшісі.
Еске салайық, 12 сәуірде болған қайғылы оқиға салдарынан үш бала қаза тапқан еді.
Ресми ақпаратқа сәйкес, әйел №1 көпбейінді қалалық ауруханаға жеткізілген. Қазірг ол жансақтау және қарқынды терапия бөлімінде ем қабылдап жатыр. Дәрігерлер оның жағдайын ауыр деп бағалап отыр.
Қайғылы жағдай 12 сәуірге қараған түні Астанадағы Түркістан көшесінде орналасқан 21 қабатты тұрғын үйдің 15-қабатындағы пәтерлердің бірінде болған.
Өрт орнынан үш баланың денесі табылды. Құтқарушылар бір әйелді аман алып шығып, кейін ол ауруханаға жеткізілді. Сондай-ақ, жоғары қабаттардан 20 адам эвакуацияланып, тағы 40-қа жуық тұрғын үйден өз бетінше шығып үлгерген.
Бұл дерек бойынша соталды тергеу басталып, қажетті сараптамалар тағайындалды.