Астанадағы Төтенше жағдайлар министрлігі қызметкерлері лифтте қамалып қалған 2011 жылы туған жасөспірімді құтқарып қалды, деп хабарлайды Aqshamnews.kz тілшісі.
Оқиға Бараев көшесіндегі жаяу жүргіншілер көпірінде болған. Жолаушылар лифті тоқтап қалып, ішінде жасөспірім бұғатталып қалған. Оның дауысын естіген тұрғын 112 нөміріне хабарласқан. Оқиға орнына жеткен құтқарушылар арнайы кілт арқылы лифт есігін ашып, баланы сыртқа шығарды.
ТЖМ лифтте тұрып қалғанда сабыр сақтауға, диспетчермен байланысуға, барлық түймені қатар баспауға, есікті өз бетімен ашуға тырыспауға және сыртпен байланысудың барлық мүмкін тәсілін қолдануға кеңес береді.