Қазгидромет Алматы және тағы бірнеше қаланың тұрғындарына ескерту жасады, - деп хабарлайды Massaget.kz тілшісі.
"16 шілдеде Қарағанды, Теміртау, Өскемен, Ақтөбе, Алматы қалаларында, түнде Атырау, Қостанай және Астана қалаларында қолайсыз метеорологиялық жағдайға байланысты ауа ластанады", - деп жазылған хабарламада.
Қолайсыз метеорологиялық жағдай - ауаның беткі қабатында зиян заттар шоғырлануына ықпал ететін қысқа мерзімді метеофакторлар (тымық ауа райы, жел, тұман) жиынтығы.
Инверсия – бұл ауа райындағы ерекше құбылыс: жылы ауа суық ауаның үстіне орналасып, оны “қақпақ” сияқты басып қалады. Әдетте жер бетіне жақын ауа жылы болады да, жоғары көтеріліп, ластаушы заттарды алып кетеді. Бірақ инверсия кезінде суық ауа төменгі қабатта қалып қояды да, барлық газ, шаң мен түтін сол қабатта жиналады. Бұл құбылыс әсіресе ірі қалаларда ауа сапасының нашарлауына әкеледі.