Бүгін елордадағы халықаралық әуежайда 11 рейс уақытынан кеш ұшырылды, деп хабарлайды almaty-akshamy.kz Астана халықаралық әуежайының баспасөз қызметіне сілтеме жасап.
- 14 қаңтарда Астана халықаралық әуежайында 11 рейс кешіктіріліп, Астанадан Алматыға, Жезқазған және Түркістанға ұшатын 3 рейс әуекомпанияның шешімімен тоқтатылды. Кешіктірілген және тоқтатылған рейстер метео жағдайға байланысты емес. Астана әуежайында қазір ұшу және қонуға қолайлы ауа-райы сақталуда. Әуеайлақтағы ауа температурасы -18. Желдің жылдамдығы 12м/с, - деп жазды Астана халықаралық әуежайының баспасөз қызметі.