Әскери инфрақұрылым объектілері пайдалануға берілді
Луговой гарнизонында 400-ден астам әскери қызметші сиятын үш казармадағы жөндеу жұмыстары аяқталды
Қорғаныс министрінің тыл және әскери инфрақұрылым жөніндегі орынбасары, генерал-лейтенант Мұхамеджан Таласов Жамбыл облысындағы әскери нысандарда жүргізілген жұмыстардың сапасын тексерді, деп хабарлайды Almaty-akshamy.kz.
Сапар барысында ведомство басшысының орынбасары жөндеу жүргізілген ғимараттар мен үй-жайларды пайдалануға қабылдау жөніндегі жергілікті комиссиялардың қорытындыларымен танысты. Бүгінде Луговой гарнизонында 400-ден астам әскери қызметші сиятын үш казармадағы жөндеу жұмыс аяқталды. Сондай-ақ, қазандық, монша-кір жуу кешені мен үш тұрғын үй толықтай жөндеуден өткізілді.
Жуалы ауданында аудандық пайдалану бөлімі жөндеу-қалпына келтіру взводының күшімен әскери техника мен материалдық құралдарды сақтауға арналған екі ангар тұрғызылды. Бұдан өзге 100 орындық асхананың ағымдағы жөндеуі аяқталды.
- Әскери инфрақұрылымды жетілдіру - қорғаныс ведомствосының маңызды міндеттерінің бірі. Кең және ыңғайлы казармалар мен асханалар, әскери қалашықтардың үздіксіз жұмыс істейтін тұрғын үй-коммуналдық шаруашылығы әскери қызметшілердің жайлы қызметі мен өмірінің негізі ғана емес, сонымен қатар жеке құрамның жауынгерлік дайындығының маңызды факторы болып табылады, – деп атап өтті тексеру барысында генерал-лейтенант Мұхамеджан Таласов.
Таяу күндері бірқатар гарнизондарда жөндеу жұмыстары аяқталатын нысандар пайдалануға берілмек