«ҚазАтомӨнеркәсіп» АҚ-ның Ядролық-отын циклі жөніндегі басқарушы директоры, ядролық реакторды басқару операторы лицензиясын алған алғашқы қазақстандық маман Әсет Махамбетов атом энергетикасы төңірегіндегі радиофобияға қатысты қорқынышты сейілтуді өтінді, деп хабарлайды aqshamnews.kz
– Мен ядролық реакторда 3 жылдай жұмыс істедім, бірақ шашым да, тісім де түсіп қалған жоқ. Бұл радиациядан қорқудың негізсіз екенін көрсетеді, – дейді Әсет Махамбетов. – Атом электр станцияларын салу қауіпсіздік талаптарына қатаң сәйкестікте жүзеге асырылады. Радиациялық қауіпсіздік мәселесі ерекше назарда болады, сондықтан радиофобияға берілмеу керек.
АЭС салу – елдің энергетикалық қауіпсіздігін қамтамасыз етуге бағытталған маңызды қадам. Ол энергия тапшылығын жойып қана қоймай, экологияны жақсартуға да ықпал етеді.