Қазақстанның халық әртісі, Қазақстанның Еңбек Ері азаматтарды сайлау учаскелеріне келіп, дауыс беруге шақырды, деп хабарлайды Аlmaty-akshamy.kz.
"Көңіл-күй жақсы, бүгін мейрам. Наурыз мерекесі өтіп жатыр, сайлау жүріп жатыр. Бұл халық үшін үлкен мағыналы, мәнді жағдай. Сондықтан халықты әрқашан да қуанышқа бөлеу – барлығымыздың міндетіміз. Бүгінгі сайлау ерекше деп ойлаймын. Парламентке кіріп жатқан жастар. «Жас келсе іске» деген, жастарға мен сенемін. Президентіміз Қасым-Жомарт Тоқаевтың Жолдауында талай жақсылықтар айтылған. Сол бастамаларды ары қарай жеткізу осы жастардың міндеті, барлығымыздың міндетіміз. Халқымыздың әл-ауқатының жақсаруы, халықтың мәдениет-әдебиеті жақсаруы, ғылымы көтерілуі – осының бәрі елдіктің белгісі. Үлкен мемлекеттердің қатарына қосылуға үлкен жағдай туғызатын әрекет", – деді А.Әшімов.