Peugeot көлігі бар болғаны 939 мың теңге тұрады
Алматы қаласының полиция департаменті автокөліктерді сатылымға шығарды, деп хабарлайды aqshamnews.kz
Саудаға патрульдік көліктер, микроавтобустар және басқа да қызметтік көліктер қойылды. Алматы қаласы мемлекеттік активтер басқармасы электрондық сауда алаңына полиция департаментіне тиесілі 28 лот орналастырды.
Сатылымға Ssang Yong, Volkswagen, Peugeot маркалы қызметтік көліктер мен Iveco микроавтобустары қойылған. Бастапқы баға жеңіл автокөліктер үшін 3,1 миллион теңгеден басталады, ал микроавтобустар үшін 12,3 миллион теңгеге дейін жетеді. Жалпы лоттардың құны 210 миллион теңгеден асады.
Алайда бұл көліктердің барлығы бағаны төмендету аукционы арқылы сатылатындықтан, оларды арзанырақ сатып алуға мүмкіндік бар. Мысалы, патрульдік Peugeot үшін минималды баға 939 мың теңгені құрайды (бастапқы баға 5,6 миллион).
Ең қымбат Iveco микроавтобусының минималды ұсынылған бағасы екі миллион теңге.