Бұл туралы компанияның баспасөз қызметі хабарлады.
Бүгін таңертең Костенко шахтасында болған апаттан 21 кенші көз жұмды, 25 шахтер әлі табылған жоқ, деп хабарлайды Almaty-akshamy.kz
«Апат туралы хабардан кейін «АрселорМиттал Теміртау» қызметкерлерінің бастан кешкен мұңы мен қайғысын сөзбен жеткізу мүмкін емес. Бұл – әріптестердің отбасы үшін, бәріміз үшін үлкен қайғы. Шахтада құтқару жұмыстары жалғасуда, 25 шахтер әлі табылған жоқ, 21-інің қаза тапқаны расталды. Жақындарынан айырылғандардың отбасыларына шын жүректен көңіл айтамыз. Барлық зардап шеккен қызметкерлер кешенді күтім мен оңалту көмегін алады. Біздің күш-жігеріміз дәл осыған, сондай-ақ мемлекеттік органдармен тығыз ынтымақтастыққа бағытталған», делінген компания таратқан хабарламада.